Eskerrik asko laguntzeagatik: Laboral Kutxa ES17 3035 0063 8606 3008 6610 kontua

Mobilizazioa Bilbon, Bizitza plataformak antolatuta, ustezko «Covid aurkako» neurriak salatzeko eta giza eskubideak aldarrikatzeko.

Plataformak antolatutako mobilizazioak pertsona eta kolektibo askoren babesa izan du eta Bilboko kale nagusiak zeharkatu dituzte kandelak eskuetan giza eskubideen alde eta Jaurlaritzak onartutako neurrien aurka.

Jardunaldia familia osoarentzako jolasekin hasi da. Goizeko 11:00etatik eta eguerdira arte, familia ugarik gozatu dute elkarrekin jolasten jai giro alaiean.

Eguerdi partean Arriagan Bizitza diska proiektua aurkeztu da, Txalaletamina taldeko Urko Etxebarri, Peio Santilla eta Javier Letamendia musikarien laguntza izan duena, Txalaparta elektronikoarekin jo dute Esclavos Felices eta Aurreskua. Bizitza diska proiektuak musikari, abeslari eta artista ezberdinak biltzen ditu, euren lanen bitartez krisi sanitarioaren aurrean gobernuak hartutako postura ofiziala kritikatzen dutenak.

Azaroak 27 larunbat honetako arratsaldeko 16:00ak aldera hasi da manifestazioa komunikatu bat irakurtzeaz batera. Gero, Mikel Altzuartek botatako bertsoen ostean eta “Telebista suntsitu” izeneko performancea aurkeztu ondoren, Bilbon barrena abiatu dira 4.000 lagun ustezko Covid aurkako neurri oldarkorrak salatzeko, «Covid Pasaportea» izeneko diskriminazio dokumentua ezartzeko ahalegina salatzeko eta komunikabide nagusiek gaur egungo egoeraren datuak eta kontakizuna manipulatzea salatzeko. Ekitaldia EITBren egoitzan hasi da, Euskal Irrati Telebista publikoa informazioen manipulazioan eta kontatu beharreko datuen aukeraketan jokatzen ari den paperagatik kexu gisa. Aurreko mobilizazioetan bezala Osasuna eta Askatasuna aldarrikatzeaz gain, Plataformak azken hilabeteetan gertatzen ari diren Gizateriaren aurkako Krimenak ere salatu nahi izan ditu oraingoan. Mobilizazioa Arriaga Antzokian amaitu da arratsaldeko 18:00ak aldera. Bertan, bizitzen ari garen gertakarien eszenifikazioa egin da, “Xakea botereari” izenekoa. Ondoren, 4 pertsonaren hitzaldiak entzun ahal izan dira, beren ikasketa eta lan esparruan krisi ekonomiko eta politiko hau aztertu eta kritikatu dutenak: Idoia Larrañaga (nutrizionista eta terapeuta), Nekane Jurado (ekonomilaria eta aktibibista politikoa), Jon Ander Etxebarria (Euskal Herriko Biologoen Eskolako dekano ohia) eta Diego Marina (fisikaria eta abokatua).Larunbateko ekitaldia, musika saio batekin amaitu da.

Jardunaldi erreibindikatiboak igandean, azaroaren 28an, jarraituko du hasteko goizeko 11:00etan Bizitzako jende aktiboaren eta bisitarien arteko topaketarekin. Eta amaitzeko arratsaldeko 17:00etan G1 diru mota libre eta unibertsalaren potentzialari buruzko mahai-inguru irekiarekin.

Egoera hau hasi zenetik, esparru desberdinetako profesionalak entzun ahal izan ditugu, hala nola medikuak, birologoak, abokatuak… komunikabideetan entzuten dugunaren ikuspuntu desberdina ematen.

Kulturaren arloan musikari askok sentitu dute egoera horri guztiari letrak, harmonia, jartzeko beharra, beren sormenarekin lagunduz. Kalera atera dira, kantuan parte hartu dute… eta Bizitzaren lehen diskoa sortzeko proposamena plazaratu zen, orain esku artean duguna.

Jende askoren laguntzari eta egindako crowfounding-ari esker, labetik atera berria, gaur aurkeztu da Bizitza Records-en lehen diskoa “BIZITZAREN DOINUAK”, Areatzan eskainitako kontzertuan.

Disko honen bidez ekarpen txiki bat egin nahi izan dute diskoan parte hartu dutenek (musikariek, abeslariek, ekoizleek eta diseinatzaileek) Bizitza Plataformaren helburuak lortzeko: osasun diktaduraren aurka eta gure eskubide eta askatasunaren alde.

Gaurko kontzertuan parte hartu duten artistetako bat dugu Nikole Galardi eta horrelaxe dio bere kantuan “Elkar ukitu gabe, gizakiak zertarako gaude, beldurraren menpe suntsitu nahi gaituzte”.

“Aniguitar”-en ahotsean entzun dugu “La mascarilla” rokanrola, Aiz eta Javier Goñi ere kantuan ikusi ditugu, gure kantautore nekaezinenarekin batera: “Rasta sin Pasta” aurrez ere beste mobilizazio batzuetan entzun ditugun bezala. Txalaletaminak, txalaparta elektronikoen soinua zabaldu du, esklabu alaiak ote gara?

Diskoan Mikel Altzuart eta Xabier Silveira bertsolariek ere parte hartu dute eta Iban Nicolai edo Txala-os bezalako artisten kantuak entzun nahi dituenari, diskoa eskuratzeko gonbita luzatzen diogu, oso osorik gozatzeko! Beldurragatik parte ez duten artistei ere, eskua luzatzen diegu hurrengo diskoan parte hartzeko. Zuen zain gaude!

Informazio gehiago: https://t.me/BIZITZA_RECORDS_FAN_KLUBA
www.bizitza.eus

Bihar zabal ditzagun sareak, zabal ditzagun Bizitzaren aldarrikapenak

# az27bilbo27n

Egun guztian zehar zuzenean Bilboko berri jakiteko hementxe izango gaituzu: Telegrama: https://t.me/plazaz

Instagram: https://www.instagram.com/p/CMsv7uzhq? igshid = qtdm39qzqe0q

Twitter: https://mobile.twitter.com/BizitzaP

Facebook: https://www.facebook.com/Bizitza-Plataforma-108218384672108/

eta webgunean www.bizitza.eus

Nazioarteko araudi guztien aurka dauden neurriak inposatzen ari zaizkigu, benetako zientziaren inolako babesik gabeko sasiaholkulari izkutuen eskutik.

Aitzaki sanitarioko agenda izkutuak ikusten ditugu martxan aspaldi. Esperimentazio transgenikoan parte hartzera derrigortzen gaituzte, gainera gero oso eragin larrien aurrean inork ez duelarik erantzuten. Farmazeutikak salbuetsiak daude legez eta erakundeek ez dute erantzuten, erabaki pertsonala direla esanez. Giza eskubideak urratu dira eta praktikan, suntsitu. Izua eta mehatsua hedatu mundo osoan zehar praktikan Apartheita ezarriz herrialde batzuetan.

Komertzio eta empresa txiki eta ertaina suntsitzea helburu duen erasoaren aurrean gaude, gizadia pobreziara eta menpekotasunera zuzenduz. Milloika kaltetu ari dira gertarzen mundu osoan zehar inokulazio hauen eraginez.

Gizarte injeniaritza eta guda psikologikorako oso teknika ezagunak erabiliz, gure gizarte egitura guztiak erabiltzen ari dira gizadia bera erasotzeko, gaixotzeko, txirotzeko eta osasunaren izenean heriotza eta kaltea eragiteko.
Haurrak esperimentu tresna bihurtuz, zaharrak protokolo hiltzaileen bidez akatuz egoitzetan, okerreko protokolo medikuak mehatsupean derrigortu, gaisotasunen erremedio egoki eta merkeak debekatuz, gezurra egitzat saludu eta egia gezurtatuz.

EAEko Justizia Auzitegiak tramitera onartu du eskoletako protokoloak kautelaz gelditzeko eskaera

Euskal Autonomia Erkidegoko Justizia Auzitegiak, joan den astean Nafarroako Justizia Auzitegiak bezala, onartu egin du Bizitza, Semillas Auzolanean eta Liberum elkarteek bultzatutako eskola protokoloen aurkako administrazioarekiko auzi-errekurtsoa.

Auzi biak bi gabezia larritan oinarritu dira:

a) Protokoloak onartzeko ezarritako prozedurak ez direlako egokiak izan, eta fiskalaren eta Justizia Auzitegiaren aurretiazko baimenak eskatu ez direlako.

b) Adingabeen eskubideak eta askatasunak mugatzen dituztelako eta ondorioz, umeen hezkuntzarako helburuak ezin direlako babestu. Era berean, protokoloek kalte larriak eragiten dituzte maila fisikoan zein psikikoan, eta ez daude udalerri eta une bakoitzaren errealitatera egokituta. Gainera, ez dute behar besteko lege-oinarririk.

Eskertzen dugu abokatu, psikologo, mediku eta biologoen lana, haien estatus profesionala edota ekonomikoa jokoan jarrita, auzi hau aurkezten musutruk lagundu dutelako.

Auzibidean protokolo horiek kautelaz eteteko eskatu dugu.

Hilabete honetan jakingo dugu gure eskaera aurrera doan ala ez. Informatzen jarraituko dugu.

Espero dezagun Justiziak justizia egitea.

Azaroaren 27an maitasunez eta indarrez elkartuko gara Bilbon. Osauna eta askatasuna aldarrikatzeko MANI-FESTA-ZIO mundiala antolatzen ari gara. Gizateriaren kontrako krimenak gelditzeko garaia iritsi da.

Goizean hasita, elkarretaratze ludikoa izango da lehenik eta hitzordu nagusia 16:30 EITBtik abiatuta.

Laster informazio gehiago.

Umeen osasun fisiko eta psikikoaren kontra doazen eskoletako protokoloekin amaitu!! Urriaren 22an 500 lagun baino gehiagok lau hiriburuetan argi adierazi zuten aski dela eta eskoletako protokolo distopikoak amaitu behar direla. 3.700 sinadura aurkeztu ziren Hezkuntza Ordezkaritza eta Sailean neurti zehatzat eskatuz . Ez dugu nahi ez maskararik, ez distantziarik, ez txerto esperimentalik gure haurrentzat! https://www.bizitza.eus/hezkuntza-sailetako-protokolo-desegokiak-kentzearen-aldeko-ibilaldiak-egin-dira-gaur-hegoaldeko-lau-hiriburuetan/

Hezkuntzako protokolo desegokiak kentzearen aldeko martxa

 

  • Urriaren 22an Bizitza Plataformak hiriburuetan ibilaldiak antolatu ditu, Hezkuntza Sailen ordezkaritzetara

  • Eskoletan haur eta gazteen osasun fisiko eta psikologikoaren aurkako protokoloak kentzea eskatuko da, adin horretan covidgatik hiltzeko arriskua covid “txertoengatik” hiltzeko baino askoz txikiagoa delako.

  • Europako herrialde askotan gazteengan bereziki “txertoek” sortutako miokarditisengatik Moderna baztertzen ari direnean, hemen ezer gertatuko ez balitz bezala jarraitzen dute, Astrazenekarekin gertatu zen bezala

  • Ez dugu inolaz ere onartzen 5-12 urte bitartekoei “txerto” esperimentala jartzea eta 12 urtetik gorakoek datorren astetik aurrera maskara kentzea eta txikiek ez. Jokaldi oso zikina dela uste dugu, 5-12 urteko txikiei ere, Vaers eta EMA medikamentuen agentzien arabera milaka hildako eta bizitza osorako lesioak sorrarazi dituzten “txerto” esperimentalak jartzen behartzeko.

  • Txertoa” ala maskara, onartuko ez dugun txantaje hutsa da

  • Protokolo hauek kentzeko oraindik sinatzeko aukera dagoela gogorarazi da eta urriaren 22 arte aukera dago: https://www.bizitza.eus/ekitaldiak/ekintzak/ikastolak/

Ikastetxeetako protokoloetan moldaketak egingo dela iragarri dute, baina garrantzitsuena bere horretan jarraituko du: txikienek maskara eramaten jarraitu beharko dute. Ikasturte berri honetan gure agintariek ausardiaz jokatu eta beste herrialde batzuetan gertatzen ari denari erreparatzen badiote, ohartuko dira Ipar Euskal Herrian urriaren 4tik aurrera Lehen Hezkuntzako haurrek ez dutela maskara erabiltzen. Danimarka, Estonian, Finlandia, Erresuma Batua (Eskozian ezin), Hungaria, Norvegia, Belgika, Herbehereak, Luxenburgo eta Suedian ere ez da beharrezkoa maskara eskoletan. Alemanian, 12 urtetik aurrera agintzen dute soilik.
Argi dugu zein den gure helburua: protokolo guztiak bertan behera gelditzea, horrek bakarrik bermatuko baitu umeen askatasuna eta osasun integrala.

Ikastetxez ikastetxe, eskuz esku, Bizitza Plataformak osaturiko txostena ekainean eta irailean banatu dute Bizitzako kide eta laguntzaile askok 2021-2022 ikasturtea desberdina izan behar duela eta nolabaiteko normaltasunera itzuli behar dugula eskatuz. Hezkuntza Ordezkaritzetatik inposatutako protokolo bortitz hauek pixkanaka lasaitu eta desagertzeko neurri zehatzak proposatu ditugu:

-Tenperatura hartzeari uztea
-Hidrogelaren erabilera boluntarioa izatea
-Maskararen erabilera boluntarioa izatea
-Distantzia sozialik ez eragitea
-Ikastetxeetan txertaketa egiten ez uztea
-Gure ikasleak ez beldurtzea eta mehatxatzea
-Gai honengatik ikasleen artean bulling egiten ez uztea

2020ko martxotik haur eta gazteen eskubideak azken planoan gelditu dira Hego Euskal Herriko protokoloetan. Guraso gehienok gogoan izango dugu, txakurren “beharrak” kontuan hartu zirela baina umeek ezin zutela inola ere ez etxetik atera, lehen aste haietan. Neurriak arintzen hasi zirenean ere, tabernak zabaltzeko aukera etorri arren, aire zabaleko jolas parkeek prezintatuta jarraitzen zuten.

Iaz 9 hilabetez aplikatu ziren protokolo berdinak jarri dituzte mahai gainean Urkulu eta Chiviteren gobernuek. Ze ikerketa egin dute denbora horretan, neurri hauek eraginkorrak diren ala ez jakiteko? Haur Hezkuntzako umeak maskararik gabe ibili diren denbora horretan ez da egoera okerragorik izan, beraz gainerako adinekin konparazioa eginez gertatu dena aztertu al du inork? Nola azalduko digute, aisialdiko jardueretan geroz eta neurri malguagoak izatea baina eskoletan, kiroldegietan, liburutegietan… aurrerapausorik ez egitea? Berriz ere, haurren oinarrizko eskubideak azkenputz!

Haur eta gazteen ongizatea bermatzen ez duten neurrien artean, maskararen erabilerak geroz eta kezka handiagoa sortzen duela nabarmena da azken asteetan. Eta ez da harritzekoa, haurrek helduek baino hiru aldiz oxigeno gehiago kontsumitzen baitute. Oxigeno faltak garunaren garapena eragozteaz gain kalte itzulezinak eragiten ditu eta hortik dator galdera, zer ondorio izango ote ditu epe luzera, gure haurrei egunero arnasa kentzeak? Eta nor izango da kalte horren erantzule?

Umeak txertatzekotan baimen informatua eta medikuaren agindua ezinbestekoak dira edozein kasutan.

Dagoeneko 3.200 sinadura jaso ditugu, horregatik dei egin nahi dugu azken txanpa honetan Bizitzako web gunean sinatu (https://www.bizitza.eus/ekitaldiak/ekintzak/ikastolak/) eta urriaren 22an Eusko Jaurlaritzako Hezkuntza Ordezkaritzetara eta Nafarroako Gobernuko Hezkuntza Sailera egingo diren mobilizazioetan parte hartzeko:

 

Gasteiz  – 14:00 Andra Mari Zuriaren Plaza

 Iruñea – 18:00 Gaztelu Plaza

Donostia – 19:00 Boulevard

Bilbo – 20:00 Arriaga

 

Esta web utiliza cookies propias y de terceros para su correcto funcionamiento y para fines analíticos. Al hacer clic en el botón Aceptar, acepta el uso de estas tecnologías y el procesamiento de tus datos para estos propósitos. Más información
Privacidad