Martxoaren 29ko 2/2021 Lege berrian 1,5 m-ko segurtasun distantziari buruzko erreferentzia desagertu egin da. Horren arabera, orain arte, ez zen derrigorrezkoa maskara erabiltzea, eta orain zalantza sortu da, ea aplikagarria izaten jarraitzen duen ala ez.
Zenbait lurraldetan, besteak beste Araban, Bizkaian, Gipuzkoan eta Nafarroan, dekretu bidez onartu zuten maskara erabiltzea, distantzia edozein izanda ere. Baina arauen hierarkiaren printzipioaren arabera Gobernu Zentralak ezarritakoa aplikatu behar zen, maila altuagokoa delako. Horregatik, isun gehienak baliogabetu eta artxibatu egin dira, agenteei desobeditzea baino ezin zelako zigortu (Herritarren Segurtasuna Babesteko Legea).
Abokatu batzuek uste dute 1,5 m badaude aplikagarria dela maskara ez erabiltzeko aukera, lege berrian ez delako berariaz jaso “edozein distantzia dagoela” edo antzeko aipamenik.
Beste batzuen ustez, 6.2 artikulu horretan aurreikusitako salbuespenak baino ezin dira kontuan hartu: arnasteko gaixotasuna edo zailtasuna, desgaitasuna edo mendekotasuna, jokabidean asaldurak, norberak leku irekietan ariketa fisikoa egitea, premiazko egoera, ezinbesteko egoera edo maskara eramatearekin bateraezina den jarduera. Horretarako erantzukizunpeko adierazpena eramatea gomendatzen da.
Beste abokatu batzuek diote Konstituzioan jasotako oinarrizko eskubide bat mugatzeko lege organiko batek arautu behar duela, eta ez orain egin duten moduko lege dekretu edo ohiko lege bat. Kasu horretan, ezin da behartu distantziarekin edo distantziarik gabe maskara etengabe eramatera.
2/2021 lege berriaren aurrean interpretazio desberdinak daude. Adibidez, komunitate batzuek hondartzan maskararik gabe joateko aukera uzten dute distantzia mantenduz gero, hemen adibidez. Nolanahi ere, oinarrizko eskubideak mugatzen dituen lege baten aurrean, eskubide horiek ahalik eta gutxien mugatzearen alde interpretatu behar da.
Dena dela Erantzukizunpeko Adierazpena eramatea gomendatzen dugu, eta lege berria aplikatuta ematen diren ebazpen judizialen zain egon beharko da (MEZU honekin batera eredu bat atxikita dago).